Xisbiga UCID Oo Sagootin Iyo Mahadcelin U Diraya Guddoomiye-xigeenkii Hore Ee Xisbiga Marwo Aamina-Milgo:

Xisbiga Cadaaladda iyo Daryeelka ee (UCID) waxa uu sagootin iyo mahadcelinba u dirayaa Marwo Aamina Maxamuud Warsame (Aamina-Milgo) oo ahayd guddoomiye-xigeenkii xisbiga tan iyo markii lagu doortay shirkii golaha dhexe ee xisbiga badhtamihii sanadkii 2004kii ee magaalada Burco. Aamina-milgo oo xisbiga UCID aanuu marnaba ilaawaynin kartideedii, aqoonteedii iyo dedaalkeedii ayaa waxa Aamina lasoo gudboonaatay arrin looga baahanyahay in aanay kamid noqonin xisbiyada siyaasadda kuna wajahan ururrada madaniga ah (civil society).

Dhammaan hogaanka xisbiga oo guddoomiye Faysal Cali Waraabe ugu horeeyo ayaa Aamina-Milgo uga mahadcelinaya dedaalkii dheeraa iyo halgankii ay lasoo gashay xisbiga iyada oo qayb weyn kulahayd taariikhda xisbiga iyo guulaha uu soo hooyey Illaahayna waxay uga baryayaan inuu ku asturo hawlaha ummadda ay u qabanayso. Markasta waxaanu ku hanweynahay in meeshii ay gashoba isbedel khayr leh ku samaynayso Aamina-milgo. "Marwo Aamina-Milgo waxay hormood ka tahay dumarka ugu ixtiraamka badan Somaliland waxqabadkeedii xisbiga gudihiisa waanu tebidoonaa laakiin waxqabadkeeda wadanka ku wajahan ma tebidoonno", ayuu yidhi Gudoomiye Faysal isaga oo la hadlaya xubnaha xisbiga ee caalamka ku fidsan.

 

UCID MEDIA

Finland

ucidinfo@gmail.com

Ucidprty cadami