Xisbigu Waxa uu Ballan qaadayaa:

12.1 Ilaalinta nolosha qofka (Life sustenance).
12.2 Xafidaada Nabadgelyada (Security).
12.3 Mabsuudnimo shakhsi ah, dhisida niyada dadka (Social and selfsteem).
12.4 Ilaalinta Xuquuqda iyo Xoriyad (Rights and Freedom).

Ilaalinta nolasha qofka, waxa uu xisbigu ku dadaalayaa una taagan yahay sidii uu u heli lahaa muwaadin kasta Cunto, Hoy (Food & Shelter), biyo nadiif ah, dhar iyo cafimaad.

Xafidaada\Nabadgelyada (Security) dhawrida iyo gacan siinta qofka markuu dhaawacmo, hanan kariwaayo quutal daruurigiisa, waayo hantidiisa, fursadii uu wax ku qabsan lahaa iyo xuquuqdiisa.

Xuquuqdiisa iyo Xoriyada waa in qofku xaq u yeeshaa in uu talada dalka iyo nolashiisa si toos ah iyo si dadbanba "directly and indirectly" gacan ku yeesho, xaq u yeesho in uu yeesho hanti, xaq u yeesho in shaqeeyo iyo in u xaq u yeesho in uu badbaadiyo hantidiisa. Waa in shakhsigu xor u yeesho in uu u socdaalo meeshii uu doono, dago meesha uu doono, laakiin xor uma laha inuu ka baxo Diinta Islaamka. Waa waajibka Rabaani ah iyo Distuuriga dowlada, Difaacdo Diinta Islaamka hubsana Muslinimada muwaadinka.

Mabsuudnimada shakhsiga, waa inuu ku nolaado nolol sharaf iyo karaamaba leh, waa inuu naftiisa ku kalsoonaado, xuquuqda dadka kalena dhowro.

Xisbigu wuxuu illaalin doonaa, adkayn doonaa, horumarin doonaa, dimuqraadiyada iyo sharafta iyo karaamada qofka ee ILLAAHAY KU MANAYSTAY cidna ka qaadi karin. Wuxuu ixtiraamidoona xoriyatul qawlka iyo saxaafada madaxa banaan, isla markaana wuxuuna u dulqaadan karin waxii Diinta Islaamka iyo Nabigeena suuban wax u dhimaya. Xisbigu wuxuu soo dhaweeyay xoriyada qofka tii aan wax u dhimayn bulshaweynta. Marna lagama sareyn karo rabitaanka shakhsiga ka bulshaweynta.

Xisbigu wuxuu sameyn doonaa gilgil buuxa oo dhan si loo cidhib jaro dhaqan xumadii laga dhaxlay Soomaliya iyo hab maamulkii ka soo jeeday Fashigii Talyaaniga. Wuxuu xisbigu u barbaarindoonaa bulshada sidii ay gac-mahooda wax ugu qabsan lahaayeen, una yeelan lahaayeen Dhaqan Shaqo, isla markaana u dhibsan lahaayeen Shaqo la'aanta iyo Shaxaadka.

Xisbigu wuxuu u taagan yahay sidii loo dhisi lahaa bulsho ku nool Qaran iyo dowlad ku abtirsata dhaqanka iyo mabaadiida Islaamka "VALUES AND PRINCIPLES OF ISLAM". Xisbigu wuxuu u taaganyahay sidii loo heli lahaa mujtamac iyo bulsho:

1. Karti leh, "Efficiency",
2. Bulsho siman, "Social Justice".
3. Bulsho xor ah "Free Society and freedom to choose Politically and Economically".

Xisbigu wuxuu ilaalindoona daryeelka iyo Danta Guud ee Bulshada "The Welfare and General Interest of the society", isagoo isla markaa dhowraya xoriyada iyo danta khaaska ah, "Freedom and Rigths of the Individual", wixii aan Diinta iyo xuquuqda bulshada wax yeelayn. Waxa la ilaalin doona hantida iyo xoriyada shakhsiga iyada oo isla markaana la daneynayo danta guud ee mujtamaca. Wuxuu Xisbigu ilaalindoonaa nolosha iyo daryeelka dadka nugul ee bulshada (Vulnerable Segment of Society).

Xisbigu wuxuu u taaganyahay sidii loo dhisi lahaa Qaran Daryeel (Welfare State). Qaran isku cel-celiya dakhliga ummada "Distribute and Redistribute the Income", ka ilaaliya in bulshada dabaqyadeeda lahaansho kala-tagin si loo helo mujtamac cidna ka khasaarin. Si loo xoojiyo xoriyadda shakhsiga xisbigu wuxuu ka shaqeyn doonaa sidii dadka loogu heli lahaa shaqo. Maadaama wax la'aanta iyo shaqo la'aantu ay ku abuurto qofka habrasho iyo xoriyad darro wuxuu xisbigu la' dagaalami doonaa shaqo la’aanta "Unemployment".

Xisbigu wuxuu u taagaanyahay hirgalinta Demogradiga Islaamka, taas oo ka saraysa tan reer galbeedku ku dhisan yahay.