Gudoomiyaha Barlamanka SL Oo Kulan La Yeeshey Xubno Ka Tirsan Barlamanka Sweden :

Gudoomiyaha Golaha wakiilada Somaliland mudane Abdirahman Mohamed Abdilahi oo kulan la yeeshay xubno ka tirsan gudiga arimaha debeda ee golaha baarlamaanka Sweden, kadibna cashosharaf gudoomiyaha loogu sameeyey gudaha guriga baarlamaanka Sweden.

Gudoomiyaha golaha sharcidejinta Somaliland mudane Abdirahman Mohamed Abdilahi ayaan maanta aqalka baarlamaanka sweden kula kulmay xubno ka tirsan gudiga arimaha debeda iyo xidhiidhka caalamka ee golaha baarlamaanka Sweden. Kulankan oo ay daadahaynaysa Marwo Cicilia Wigström oo xuban ka ah gudiga arimaha dibeda iyo xidhiidhka caalamka ee golaha baarlamaanka Sweden kana tirsan xusbiga
Liberaalka Sweden (Fp), ayuu gudoomiyaha golaha wakiilada Somaliland muda Abdirahman si buuxda ugaga waramay xildhibanadaas xaalada Somaliland.

Kulanka oo ahaa kii ugu horeeyey ee madaxda qaranka Somaliland ay layeeshaan gudiga arimaha dibeda iyo xidhiidhka caalamka ee golaha baarlamaanka Sweden ayaa ahaan mid aad u xiiso badan oo labada dhinac si kalsooniyi kamuuqato isu xogwaraysteen.
Gudoomiye Abdirahman Mohamed Abdillahi waxa uu xildhibaanada uga waramay horumarka ay bulshada reer Somaliland ku talaabsatay mudadii yarayd ee laga soo wareegay dib ulasoo noqoshadii madaxbaanida Somaliland. Doorashooyinkii is dabajooga ahaa ee Somaliland ka qabsoomay ee sida xorta, xalaasha iyo nabadgelyada ah udhacay ayuu gudoomiyuhu uga waramay gudiga. Sidoo kale gudoomiyuhu waxa uu xildhibaanada u sheegay in shacabka reer Somaliland aad uga xunayhay inaan bulshada caalamku gacan ka siinin talaabooyinkaas wax ku oolka ah ee ay ku talaabsaadeen.
Gudoomyihu waxa kale oo uu gudiga arimaha dibeda iyo xidhiidhka caalamka ee golaha baarlamaanka Sweden ku wargeliyey in ay shacabka iyo madaxda reer Somaliland ka go,atahay gooni isutaagu iyo la soo noqoshada madaxbanaanidoodu. Gudoomiyuhu wuxuu gudiga u cadeeyey in aanay habayaraatee gorgortan marna gelayn qadiyada gooni isutaaga Somaliland. In umada reer Somaliland ay ka go,antahay inay u halgamaan masiirkooda, qadiyadooda oo aanay sina uga daalidoonin go,aankood muda kasta oo ay ku qaadato.
Sidoo kale gudoomiyaha golaha sharcidejinta Somaliland mudane Abdirahman Mohamed Abdilahi waxa uu ka codsaday kuna booriyey shacabka iyo madaxda Sweden inay ku ixtiraamaan shacabka reer Somaliland go,aankood islmarkaas gacan ka siiyaan sidii ay ku gaadhi lahaayeen qadiyada gooni isutaaga.
Marwo Cicilia Wikström iyo xildhibaanadii kale waxay gudoomiyaha iyo xubnihii la socday u sheegeen siday ugu faraxsanyihiin inay la kulmeen gudoomiyaha golaha wakiilada Somaliland. Waxay kaloo xildhibaanadu cadeeyeen inay waxbadan oo aanay hore uga ogayn somaliland ogaadeen maanta sidoo kale ay waxyaabo badan oo si qaldan loogu sheegay jiray maanta xaqiiqdoodii helaan. Waxaanay balanqaadeen inay warbixinta iyo codsiga gudoomiyaha iyo shacabka reer Somaliland ay gaadhsiindoonaan dhamaan gudiga arimaha debeda iyo gudiyada kale ee golaha baarlamaanka swedenba.
Ugu danbayntii gudoomiyuhu waxa uu aad ugu mahadnaqay xusbiga Liberaalka Sweden oo ah xusbigii casuumada u fidyey gudoomiyaha, sidoo kalena hore waxyaaba wax ku ool ah oo lataabankaro hore ugu qabtay shacabka iyo dalka Somaliland. Gudoomiyuhu waxa uu isna dhankiisa u fidiyey xildhibaanada casumaad waxaanu ka codsaday inay yimaadaan Somaliland oo ay indhahooda ku soo arkaan horumarka layaabka leh ee ay shacabka Somaliland gaadheen.

Markii shirka oo qadar saacado ah socday dhamaadayna waxaa gudoomiyihii iyo xubnihii shirka ku wehelinaayey loo daadaheeyey qaybta cashosharafyada ee golaha baarlamaanka Sweden, halkaas oo casuumad heersare ah loogu diyaarieyey Gudoomiyaha iyo xubnihii la socday. Halkaasna waxaa ka bilaabmay kaftan iyo is xogwareysi farxad iyo caloolfayoow badan laga daalacanaayey.



Ibrahim Ali Adan (Fp)
 

Our porpose is PEASE, our password is FREEDOM, our aim is QUALITY
 

Milgaheennu waa NABAD, Furaheennu waa Xorriyad, mabd'eenu waa TAYO