Xisbigu wuxuu sameyn doonaa isbadal weyn oo Qaran iyo Bulsho, waxa uu ku dhaqaaqi doona in uu gunta ka jaro habdhaqankii iyo maamulkii ku dhisnaa Musuqmaasuqa, Caddaalad darada, Diin la'anta iyo Beelaha. Wuxuu ka shaqayn doonaa in u aabaabulo bulsho Iimaan iyo Aqoon leh, ku abtirsata Diinta Islaamka iyo Sunihii Nabigeena Suuban "SWCS". Wuxuu xisbigu u taagan yahay sidii Somaliland looga hirgalin lahaa dowlad casri ah oo ku dhisan sharci iyo nidaam dimuqraadi ah dadkuna u siman yahay sida ay ugu siman yihiin Illaahay hortii iyo sharciga hortiisaba. Dowlad ku dhisan nidaam, sharci, kala dambeyn iyo hay’addo, bulsho wax u cunta in ay noolaato ee aan u noolayn in ay wax cunto "Society eats to lives but, not lives to eat.