Xisbigu waxa uu dhisayaa dowlad Xukunku kala qaybsanyahay kana kooban;

Waxaa la baabi’in doonaa wasaarada Caddaalada. Maxkamaduhu cidna ma hoos imandoonaan ee iskood ayey u madaxbanaandoonaan. Waxaa la soo afjari doonaa habkii laga dhaxlay Afweyne ee xukunka la gu soo ururinayay hal qof. Waxaa la siin doonaa mushahaaro ku filan Muddanayaasha Baarlamaanka si aanay u habran oo ay waajibkooda si sharaf leh u gutaan.

Xisbiga waxaa ka go'an in uu dhiso dowlad ka kooban wasiiro iyo wasiiro ku xigeeno tiro yar, laakiin aqoon leh, kuna salaysan qaab beelood iyo gobalo. Waxaa la dhisi doonaa dowlad firfircoon oo adag si baxsanna uga turjumaysa rabitaanka dadka iyo himiladooda gaamurtay. Dowlad shariciga iyo nidaamku ka sareeyo danaysiga shakhsiga una dabacsan baahida iyo qanciska bulshada. Dawlad la jecelyahay lagana baqo oo aan la karhin.

Xisbigu wuxuu u taagan yahay sidii loo dhisi lahaa dowlad hay'bad leh guddo iyo dibadba.

Waxaa laga shaqayn doonaa sidii loo dhisi lahaa bulsho dhaqaalaheedu isku dhowyahay (More Egalitarian Society) oo aan kala fogaan xaga hantida. Waxay dowladu ka shaqayn doontaa sidii ay u xoojin lahayd laxaadka dadka sida ay u shaqayn lahayeen (To optimize people's capacity to work). Waxay dowladu ka shaqyn doontaa awooda dadka sida ay u heli lahaayeen shaqo "to optimize the ability of the people to find work". Waxay dowladu ka shaqayn doontaa sidii loo heli lahaa mujtamac ku nool sharaf iyo karaamo oo uu ka soo jeedo qoysas dhisan oo is haysta, qoysas aanay buburin shaqo iyo ilbaxnimaduba.

Xisbigu wuxuu u taagan yahay in uu dhiso dowlad awooda iyo taladu qayb-santahay, dowlad ka caagan musuq-maasuq, eex iyo amar ku taaglayn. Dowlad aan noqon "ONE MAN SHOW", amaba dowlad beeleed iyo iwm. Si loo helo dowlad qof kastaba uu u madax banaan yahay howshiisa, taladuna ku soo ururin gacanta madaxweynaha, waxa laqaybin doonaa awooda madaxtooyada iyadoo hawsha maxadweynaha iyo ku xigeenka lakala qeexi doono. Waxaa laga ilaalin doonaa in Ku Xigeenka Madaxweynuhu noqdo magac kaliya. Sidoo kalena waxaa la qeexi doona howsha wasiirada iyo ku xigeenada.

Xisbigu wuxuu ka shaqaynayaa sidii dumarka Somaliland ay maamulka dalka iyo taladiisa gacan ugu yeelan lahaayeen. Si loo dhiiri galiyo xisbigu waxa uu ku talajiraa ugu yaraan laba jago oo heer wasiir ah in uu u qoondeeyo dumarka sharafta leh ee Somaliland. Isla markaa sidoo kale xisbigu wuxuu dhiiri galindoonaa dadkii la yareeysan jiray ee laga fogeeyay talada dalka sida Beelaha Farsama-yaqaaniinta ah, beelahaa waxa loo qoondeyn doonaa jagooyin heer wasiir iyo wixii la mid ah ee u dhigma.

Xisbigu wuxuu dhisi doona Wasaarada Bulshada iyo Horumarinta dadka (Ministry of Social and Human Development). Wasaaradaa ayaa ka shaqayndoonta sidii dadka Somaliland AQOONTOODA loo xoojin lahaa si ay nolashoodu kor ugu kici lahayd. Wasaarada waxaa xil wayni ka saarnaan doonaa kor u qaadka tacliinta iyo xirfad siinta dadka ay saylada shaqadu reebtay ee shaqada waaya (Unemployment).

Waxay Wasaaradu ka shaqayn doontaa sidii loo baabi'in lahaa FAQRIGA iyo GAAJADA (HANGER AND THE POVERTY) FAQRIGA oon ku iman lacag la'aan kaligeed, laakiin ku timid Cunto yari (Inadequacy of Food), Dhar la'aan, (Lack of Clothes), Biyo nadiif ah la'aantood (Lack of Pure Water), Guri la’aan (Lack of Shelter), Tacliin la'aan (Lack of Education) iyo Daryeel Caafimaad la'aan (Lack of Health Care).