Waxaa kor loo qaadidoonaa xaalada Malcaamad Qu'aanadii, iyado loo badalindoono xarumaha barbaarinta. Waxaa xarumahaa gacan-weyn ku yeelandoona dawlada hoose ee dalka iyo Wasaarada Waxbarashada ee degmada. Waxaa wax ka dhigidoona maclimiin aqoon u leh sida dhalaanka wax loo baro, kuna takhasusay barashada Qur'aanka, Diinta Islaamka iyo Akhlaaqda iyo dhaqanka muslimka. Caruurtu Xarumaha ay wax ku baranayaan Qur'aanka iyo tacliin kale ka horeeysa bilawga dugsiyada.

Waxaa ka mas'uul ah Waasaarada Tacliinta ee heer degmo qorshaha miisaaniyada iyo maamulka xarumaha. Waa wajibka dawladaha hoose in ay ilaaliyaan hab u socodka xarumaha iyo aqoonta maclimiinta ka howl galeysa. Qofkii la yimaada shuruudaha iyo aqoonta looga baahaan yahay maclimiinta xarumaha waa la qaadan doona.

Dawlada hoose ayaa jaangoyndoonta qorshaynta iyo meelaha looga baahanyahay in laga dhiso xarumaha.

Xarumaha barbaarinta dhalaanka kuma eekaan doonaan oo kaliya u diyaarinta waxbarashada dugsiyada iyo barashada Qur'aanka iyo Asluubta Muslimka, ee isla markaa caruurta waxaa loo samayn doonaa meelaha ay ku ciyaaraan. Wakhtigooda waxaa loo qaybindoonaa, waxbarasho, wakhti ciyaaro iyo wakhti nasasho.

Waxaa isla marka la baridoona sheeko caruureed , ciyaarihii dhaqanka iyo wax alaaliyo wixii caruurnimada lagu baran jiray miyiga- sida GOO-GAALAYSIGA. Waxaa caruurta lagu ababindoonaa Muqadisnimada Diinta Islaamka, iyo waajiibadka muwaadinka ka saaran midnimada dalka iyo difaaciisa, danta guud ee shacbiga isla markaa waxaa la baridoona ilaalinta degaanka, dhirta iyo oogaada.

Waxaa dowlada hoose la socon doontaa tayada iyo caafimaadka xarumaha iyadoo oo uu xil dheerad ahi ka saaranyahay hubinta ka qayb qaadashada caruurta qoysyada dan yarta ah. Waxaa la hubindoonaa in caruurta kaloo qaadanayo xarumaha in ay ku noolaayeen degmada mudada loo jaro in ay xaq ku leeyihiin ka qayb qaadashada waxbarashada xarumaha barbaarinta. Intay caruurta ku jiraan xarumaha waxaa lala socon doona caafimaadkooda waxaana la qiyaasidoonaa heerka fahmadooda IQ.

Dhinaca kale waxaa xooga la saaridoonaa caafimaadka hooyada iyo kor u qaadista aqoonteeda si ay u hanato xanaanada ubadkeeda iyo barbaarinta caruurta. Hooyada waxaa la baridoona xuquuqda ILLAAHAY ku manaystay ee cidna ka qaadi karin.