"Xafalada si weyn loo soo agaasimay oo lagu soo dhawaynayo Gudoomiyaha Baarlamaanka S/Land ayaa ka dhacday maanta magaalada Sheffeild ”:

Xafalada si weyn loo soo agaasimay oo lagu soo dhawaynayo Gudoomiyaha Baarlamaanka S/Land Xildhibaan Cabdiraxmaan Maxamed Cabdilaahi (Ciro) iyo Gudoomiyaha Xisbiga Ucid Mudane Faysal Cali Waraabe.
Xafaladaas oo ay soo qabanqaabiyeen Jahliyada Somaliland iyo saddexda xisbi qaran ee Somaliland magaalada Sheffield ayaa manta lagu qabtay magaalada Sheffield waxaa xafladaas ka soo qayb galay Mayirka magaalada Seffield Lord Mayor Roger Davison iyo Marwadiisa Lady Mayors Mrs Catherene Davison iyo ku xigeenka Maayarka Deputy Mayor Jacky Dryton Waxaa kaloo ka soo qayb galay MP Clive Betts Mudane ka tirsan Golaha degaanka Counciler Steve Johnes Hogaamiyaha Golaha Degaanka Leader of council Jeam Cromar Mudane Counciler Ibrar Husein.
Waxa aayado quraan ah ku furay xafladaas Cabdilahi Sheekh Xasan Gaboobe.Furitaanka Aayadaha quraanka ah ka dib

Waxaa hadalkii lagu soo dhaweeyay Lord Mayor Roger Davison oo ku soo dhaweeyay Gudoomiyaha G/Baarlamaanka Somaliland iyo wafdigiisa magaalada Sheffield waxaanu ugu bogaadiyay guusha weyne ee uu ka soo hooyay doorashadii Baaralamaanka Maayorku waxaa uu aad ugu mahadanaqay horumarka weyne ee ay Somaliland gaadhay.Waxaa kaloo aad ugu nuux nuuxday horumarka ay Somaliland gaadhay MP Clive Betts oo si fiican uga warbixiyey dimoqoraadiyada Somaliland ku talaabsatay taas oo uu ku tilmaamay in ay tusaale u noqon karto adduunka oo dhan.

Kadib waxaa hadal mahad naqa isna halkaas uga soo jediyay Xildhibaan Gudoomiye Cabdiraxmaan ciro Madaxdii iyo xildhibaanadii kasoo qayb galay xafladaas ee ka socday Councilka magaalada Sheffield.Waxaa kaloo isna hadal mahad naqa halkaas ka soo jeediyay Gudoomiyaha xisbiga Ucid Mudane Faysal Cali Waraabe Sidoo kale waxaa isna hadal mahad naqa soo jeediyay Maxamed Cabdilaahi Ciise (Maxamed dheere) Waxaa hadalkii la wareegay Gudoomiyaha Baarlamaanka Xildhibaan Cabdiraxmaan Ciro oo ka xog waramay Somaliland horumarka ay gaadhay iyo socdaalkiisii Uk oo uu sheegay in ay waxayaabo badani ay ugu qabsoomeen balamana uu kaga tegay waxaanu ku booriyay jahliyda Somaliland ee Sheffield in ay u hawl galaan sidii dalkooda ay u hormarinlahaayeen isla markaasan ay maalkood iyo maskaxdoodaba ay ugu huri lahaayeen dalkooda hooyo.
Waxaa isna hadal qiima leh halkaas ka soo jeediyay Gudoomiyah xisbiga Ucid Faysal Cali Waraabe oo sheegay in ay ummada Soamliland ay isku duubnaadaan oo ay gacmaha is qabsadaan.Waxaa iyana xafladaas ka soo qayb galay odayaal iyo waxa garad ka socoda magaalooyinka Bristol iyo Bolton
Ugu dambayntii shirkaas oo si heer sare ah loo abaabulay isla markaasna ay ka hadalaeen odayaal iyo aqoonyahano reer Sheffieldah waxaa uu ku soo gabagaboobay jawi aad u qurux badan.



Maxamed Cumar (Mataan)
 

 

Ucidprty cadami