waxaa hubaal ah hadii danta guud loo midoobo, laguna dhaqmo cadaalad sharcigana la xushmeeyo golayaashuna wada shaqayn fiican yeeshaan in aynu dhakhso uga mid noqon doono dawladaha aduunka.waana xog nooga dhex muuqatay safarkii xubno ka tirsan xisiga oo uu hogaaminayey Gudomiyuhu ku so mareen wadamadda waqooyiga yurub,masuuliyiintaas lala kulmay dhamaatood

waxay ka midaysnaayeen in ay Somaliland dunidda saddexaad ka soo dhex baxday,xaqna u leedahay in laga taageero dhinac walba diyaarna ula yihiin,waxa qudha ee ay carrabka ku dhufanayeena ahayd dawlad wanaagsan oo nidamkeedii u dhan yahay oo lala xisaabtami karo,hanti dhowr iyo garsoor madax banaan leh, si musuqmaasuqa loo tirtiro, qorshe cad oo horumarineedna la timaada,

xisbiga ucid waxa uu halkan ku taageerayaa go.aamadii ay ka soo saareen golaha guurtidu kalfadhigoodii 28aad,ee ay kaga hadleen xaaladda uu dalku ku sugan yahay iyo talooyinkii ay ka soo jeediyeen sidii wax loo qaban lahaa, madaxweynahana Mudane Dahir Riyaale Kaahin waxaanu u

3.* Nabad gelyada. Nabad gelyaddu waa furaha horumarka ,waana ta aynu ku noolnahay cid ku gefi kartaana ma jirto nabad gelyo uu qof qudhi helis ku yahay laguma tilaami karo nabad gelyo

waa in gacan bira lagu qabtaa cidii isku dayda inay nabadgelyada wax yeesho,kuna dadaalaa sidii aynu u xoojin lahayn.

4*. Waa in Ciidamada darajo loo sameeyo si loo helo ciidan kala dambayn iyo nidaam leh aqoontooda iyo noloshoodana kor loo qaado,gunno ku filanna la siiyo,

5*In xuduuddaha sida ugu dhakhsaha badan loo sugo iyada oo loo marayo waddada ugu haboon, 6. In la keeno idaacadii mudada dheer la sugaayey si dalku iskugu xidhmo.7. In lacagta Somaliland degdeg loo gaadhsiiyo gobalada bari si loo joojiyo lacagaha garanwaaga ah ee la hadhay dhaqaalihii gobolada bari, iyagoo xambaarsan sicir barar.

8* Inuu sameeyo qorshe dhaqaale , siyaasadeed oo dawladu ku hawlgasho. gudo iyo dibedba si loo ogaado wixii inoo qabsoomay iyo waxa weli inaga qabyada ah, sida aynu wada ogsoonay sannadkii 2005 waxa lagu mashquulsanaa arimihii doorashada wax kale oo dalka laga qabtayna may jirin, hadaba waxa la soo gaadhay wakhtigii dadka wax loo qaban lahaa, loona cidhibtiri lahaa musuqmaasuqa baahay ee curyaamiyey kobocii dhaqaalaha dalka.

9*In siyaasada dibada la dardar geliyo si loo kasbado bulshaweynta caalamka ,waxaad moodaa in laga gaabiyey la xidhiidhka caalamka si aan qadiyadeena uga iibino,taasina kuma iman karto si sahlan ee waa in la badiyaa xidhiidhada iyo booqashooyinka . golaha wakiiladda waxaa laga dareemayaa gacan cuslaan ,waxaa looga fadhiya inay wakhtiga ka faa,iidaystaan oo hawlaha culculs ee hor yaala dhakhso u gudo galaan, waxa kale oo looga baahan inay sii diyaariyaan xeerarkii ay dawladu ku dhaqmi lahayd, lana xoojiyo awooda gudi hoosaadyada golaha si ay ula xisaabtamaan masuulkasta ,haday arkaan in masuulkaasi xilkii loo igmaday ka soo bixi karayn ay go,aan ka gaadhaan una soo gudbiyaan madaxweynaha si uu xilka uga qaado, oo danta umadda loo wada ilaaliyo.

Xisbiga ucid wuxuu u balan qaadayaa shacbiga inuu hiil iyo hooba la garab taagnaado dawladda sidii looga midho dhalin lahaa halgankeenii dheeraa,sidii aad horeba noga barateen,kuma taagna inuu mar walba dawlada mucaarad ku ahaado balse wuxuu ku garab taagan yahay dawlada wax kasta oo ummadda reer somaliland dan u ah. Allaa mahad leh.”